Bransadagur Sviðslistanna 2026
Sviðslistir á tímum breyttrar heimsmyndar
Um daginn
Bransadagur Sviðslistanna er dagurinn þar sem greinin kemur saman. Fagfólk úr öllum kimum — frá stofnunum til sjálfstætt starfandi sviðslistafólks — hittist til að ræða, hlusta og hugsa saman um framtíð sviðslista á Íslandi.
Í ár beinum við sjónum að Sviðslistum á tímum breyttrar heimsmyndar. Hvaða sviðslistir viljum við skapa á þessum tímum og fyrir hvern eru þær? Hvernig stöndum við saman á óvissutímum?
Aðgangur er ókeypis. Hægt verður að kaupa hádegismat (súpu og meðlæti) á 1.500 kr. Skráning er nauðsynleg.
Hvað er á dagskrá?
- „Sviðslistir á tímum breyttrar heimsmyndar”: Gréta Kristín Ómarsdóttur ræðir við Benedict Andrews leikstjóra um stöðu og hlutverk sviðslista.
- „Sviðslistir á landsvísu”: Bergur Þór Ingólfsson (Leikfélag Akureyrar), Greta Clough (Handbendi, Hvammstanga) og Finnur Bjarnason (óperustjóri Þjóðleikhússins) ræða um áskoranir og tækifæri sviðslista á landsvísu.
- „Hvað vitum við í raun um stöðu sviðslista á Íslandi?” Erla Rún Guðmundsdóttir (frá Rannsóknarsetri skapandi greina) fjallar um skort á gögnum og hvernig við getum betur barist fyrir sviðslistabransanum með skýrum gögnum og rannsóknum.
- „Staða nýútskrifaðra í bransanum”: Hvað tekur við að loknu námi í sviðslistum?.
- „Í upphafi skal endinn skoða”: Sigríður Rósa Bjarnadóttir segir frá sjálfbærni verkefna í sviðslistum.
Fleiri dagskráliðir og nánari tímasetningar verða kynntar þegar nær dregur.
Hverjir geta tekið þátt?
Viðburðurinn er opinn öllum sem starfa innan sviðslista eða hafa áhuga á greininni — listafólki, höfundum, framleiðendum, húsum, fagfélögum, námsfólki og samstarfsaðilum.
Skráning
Skráning fer fram í gegnum eyðublaðið hér að neðan. Smelltu á hnappinn til að opna skráningareyðublaðið í Google Forms.
