Hvammstangi International Puppetry Festival (HIP)

HIP er alþjóðleg brúðuleikhúshátíð sem haldin er í október á Hvammstanga í Húnaþingi vestra. Hátíðin er sú eina sinnar tegundar á landsbyggðinni og helgar sig listformi brúðu- og hlutaleikhúss (contemporary puppetry and object theatre). HIP sýnir breiddina í brúðuleikhúsi dagsins í dag og leggur ríka áherslu á verk fyrir fullorðna jafnt sem fjölskyldur, þar sem hefðbundnum hugmyndum um brúður er oft ögrað.

Hátíðin er mikilvægur samkomustaður fyrir brúðuleikhúslistafólk (puppeteers). Auk sýninga stendur HIP fyrir vinnustofum (masterclasses) undir leiðsögn erlendra sérfræðinga og býður upp á einstakt rými til tengslamyndunar og faglegra skoðanaskipta í nánu og persónulegu umhverfi íslenskrar náttúru.