Opin köll

Alþjóðleg keppni stuttra sviðsverka, í hámarki 15 mínútur, á hátíðinni Teatri Riflessi á Sikiley. Sýningarlaun eru 500–1.100 evrur eftir fjölda flytjenda auk ferðaframlags, og verðlaunin eru meðal annars vinnustofudvalir og sýningartækifæri hjá samstarfshátíðum.

IETM býður allt að tíu fagmanneskjum í samtímasviðslistum gjaldfrjálsa aðild að netinu í fimm ár, með greiddri ferð á aðalfund netsins. Umsækjendur þurfa að minnsta kosti fimm ára starfsreynslu og áhersla er lögð á svæði þar sem IETM á fáa félagsmenn.

Styrkur frá Norræna menningarsjóðnum til að prófa metnaðarfulla hugmynd í samstarfi áður en hún verður fullmótað verkefni. Allt að 50.000 DKK án kröfu um mótframlag; sjóðurinn styrkir ekki sýningarferðir, framleiðslu eða rekstur.

Kópavogsbær veitir styrki til verkefna í listum, hönnun og arkitektúr. Einstaklingar, listhópar, félög, fyrirtæki og stofnanir geta sótt um, og verkefnið þarf að hafa gildi fyrir menningarlíf í Kópavogi.

Styrkir til menningar- og samfélagsverkefna og til atvinnuþróunar og nýsköpunar á Suðurlandi. Hámarksstyrkur er 2,5 milljónir króna og byggðaþróunarfulltrúar SASS bjóða gjaldfrjálsa ráðgjöf fyrir umsókn.

Styrkir til verkefna á sviði menningar, nýsköpunar og atvinnuþróunar á Vestfjörðum. Menningarstofnanir með starfsemi allt árið geta einnig sótt um stofn- og rekstrarstyrki, og horft er til verkefna sem auka fagmennsku í listum á svæðinu.

Styrkir til menningar- og samfélagsverkefna og til atvinnuþróunar og nýsköpunar á Norðurlandi vestra. Fyrir árið 2026 voru 35 menningarverkefni styrkt.

Styrkir til verkefna sem falla að Sóknaráætlun Norðurlands eystra, meðal annars menningarverkefna og stofn- og rekstrarstyrkja. Umsækjendur þurfa að vera á svæðinu og sjóðurinn styrkir að jafnaði ekki meira en helming kostnaðar.

Styrkir til menningar- og samfélagsverkefna, atvinnu- og nýsköpunarverkefna á Suðurnesjum, auk stofn- og rekstrarstyrkja á sviði menningar. Verkefnin þurfa að falla að Sóknaráætlun Suðurnesja.

Styrkir til menningar-, atvinnu- og nýsköpunarverkefna á Austurlandi, auk stofn- og rekstrarstyrkja til menningarverkefna. Austurbrú býður vinnustofur og ráðgjöf við gerð umsókna.

Styrkir til menningar-, atvinnu- og nýsköpunarverkefna á Vesturlandi. Umsóknir eru metnar af fagráði og úthlutunarnefnd og sótt er um í umsóknakerfi Rannís.

Perform Europe styrkir alþjóðlegar sýningarferðir og samstarf í sviðslistum innan Evrópu. Listafólk, leikhópar, hátíðir og sýningarstaðir sækja um saman og áhersla er lögð á sjálfbærni, jafnrétti og að koma verkum á ný landsvæði.

Þriggja eða sex mánaða vinnustofudvöl í Cité internationale des arts í París, opin sviðslistafólki jafnt sem myndlistarfólki. Innifalið er vinnu- og íbúðarrými, 1.000 € á mánuði, framleiðslustyrkur og ferðir; krafist er fimm ára starfsreynslu.

Danshöfundar og hópar geta sótt um sýningarferðalag um Svíþjóð á vegum Dansnät Sverige. Kallið er opið alþjóðlegu sem sænsku dansfólki sem starfar á faglegum grunni.

Almennur verkefnastyrkur menningar-, nýsköpunar- og háskólaráðuneytisins, að hámarki 1.500.000 kr., fyrir verkefni á málefnasviði ráðuneytisins – þar á meðal í menningu og listum. Úthlutað er þrisvar á ári; ríkisstofnanir og sveitarfélög geta ekki sótt um og ekki er styrktur rekstur eða nám.

Ferðastyrkur fyrir listafólk og menningarstarfsfólk til að vinna að verkefni í öðru Creative Europe landi. Greitt er 85 € á dag og 400–800 € í ferðakostnað, og umsóknir eru metnar í mánaðarlegum umferðum fram til 30. apríl 2027.