Opin köll

Styrkir fyrir norræn samstarfsverkefni á sviði lista og menningar. Áhersla er lögð á listræn gæði, fjölbreytileika og sjálfbærni. Verkefni verða að fela í sér samstarf á milli aðila frá að minnsta kosti þremur löndum, þar af tveimur norrænum. Hægt er að sækja um allt að 100.000 evrur eftir umfangi og mótframlagi.

Sjóðurinn styður verkefni sem efla menningartengsl milli Bandaríkjanna og Norðurlandanna. Áhersla er lögð á opinbera viðburði, sýningar, tónleika og fyrirlestra sem auka skilning almennings á norrænni list og menningu í Bandaríkjunum (eða öfugt). Styrkir eru aðeins veittir sjálfseignarstofnunum og félagasamtökum (non-profits). Hámarksstyrkur er $5,000 en meðalstyrkur er á bilinu $1,000–$2,000.

Styrkur fyrir fagaðila í sviðslistum til ferðalaga innan Norðurlanda og Baltnesku ríkjanna. Sjóðurinn styður við þátttöku í samstarfsverkefnum, sýningum, ráðstefnum eða rannsóknarvinnu. Styrkurinn dekkar ferðakostnað og uppihald í allt að 14 daga.

Styrkir fyrir sjálfstætt starfandi sviðslistafólk vegna sýningaferðalaga innanlands og erlendis. Markmiðið er að auka sýnileika íslenskra sviðsverka og ná til nýrra áhorfenda. Styrkupphæðir miðast við fjölda þátttakenda og áfangastað.

Styrkur fyrir verkefni á sviði menningar, samfélagsmála eða stjórnmála þar sem börn og ungmenni (allt að 30 ára) eru í aðalhlutverki. Lögð er áhersla á virka þátttöku þeirra í skipulagningu og framkvæmd.

Opið er fyrir umsóknir í Perform Europe sem styrkir alþjóðlegar sýningarferðir og samstarf á sviði sviðslista innan Evrópu. Sjóðurinn styður við samstarfsverkefni listafólks, leikhópa, hátíða og sýningarstaða sem vilja sýna verk sín þvert á landamæri. Sérstök áhersla er lögð á sjálfbærni, jafnrétti og að koma sýningum á framfæri á nýjum landsvæðum.