Um húsið
Edinborgarhúsið er menningarhús Vestfjarða. Þar fer fram fjölbreytt menningarstarfsemi, leiksýningar, tónleikahald, myndlistarsýningar og listkennsla. Húsið býður upp á fyrsta flokks aðstöðu til tónleikahalds og leiksýninga. Hljómburður í húsinu er góður og auðvelt að aðlaga sali húsins fyrir hina ýmsu viðburði.
Samtals er húsið um 1.700m² á þremur hæðum. Þar af er jarðhæðin rúmir 1000m². Á jarðhæðinni er að finna Edinborgarsal sem er rúmlega 221m², búinn hljóð- og ljósakerfi. Salurinn býður upp á góða aðstöðu fyrir leiksýningar, tónleika, ráðstefndur, fundi, málþing og fleira. Hægt er að tengja salin við smærri sal Bryggjusal sem er 219m². Á sömu hæð er veitingahúsið Edinborg Bistro sem tekur um 100 manns við borð.
Í suðurenda á 2. hæð er Rögnvaldarsalur 70m², ásamt tveimur smærri sölum, sem eru 55m² og 45m². Auk þess að vera kennslusalir Listaskóla Rögnvaldar Ólafssonar henta þeir til mannamóta í sinni víðustu mynd. Í norðurenda á sömu hæð eru svalir yfir Edinborgarsal og tæknirými salarins.
Edinborgarsalur er búinn “Line Array” hljóðkerfi úr HDL línu frá RCF, HDL20-A toppar og SUB-8006AS bassar. Hátalararnir eru með innbyggðum mögnurum og stýringum. Auk hátalara er 32 rása stafrænn hljóðmixer frá Allen & Heath, QU-32 Chrome, ásamt sviðsboxum og Cat5E snák. Salurinn er einnig búinn 14 Robe ParFect 150 ljósum og 6 Robe LEDBeam 150 hreyfiljósum ásamt Avolites Quartz ljósaborði.
