Harpa

Harpa er tónlistar- og ráðstefnuhús á heimsmælikvarða sem sérhæfir sig í viðburðum er gera miklar kröfur til hljómburðar og tækni. Húsið er heimili helstu tónlistarstofnana landsins en er jafnframt leiðandi vettvangur fyrir óperu og stórviðburði. Í Hörpu eru fjórir salir: Eldborg, aðalsalur hússins sem er hannaður með stillanlegum hljómburði fyrir sinfóníska tónlist og sviðsverk; og salirnir Silfurberg, Norðurljós og Kaldalón, sem bjóða upp á sveigjanleika fyrir ráðstefnur, tónleika og þverfaglegar listir.

Harpa starfar náið með innlendum og erlendum bakhjörlum að framgangi metnaðarfullra menningarviðburða og er kjörinn vettvangur fyrir alþjóðlegar gestasýningar.