Creative Europe samstarfsverkefni
Hvað er evrópskt samstarfsverkefni?
Creative Europe samstarfsverkefni byggja á samvinnu nokkurra evrópskra aðila frá minnst 3 löndum sem takast á við aðkallandi verkefni eða úrlausnir á lista og menningarsviði, þvert á landamæri. Umhverfis- og jafnréttismál skulu vera samfléttuð verkefnum.
Verkefnin eiga að miða að:
- Styrkja listir og menningu, samskipti, dreifingu og kynningu í Evrópu eða
- Að koma á nýjungum: þróa menningarsviðið og koma á nýjum aðferðum og leiðum
Verkefnin feli í sér:
- Að ná til almennings
- Inngildingu, fá fleiri í hópinn
- Sjálfbærni /grænar áherslur
- Stafrænar lausnir – notkun á nýrri tækni
- Alþjóðavæðingu – þekking á samstarfi þvert á lönd
- Árlegt nýtt þema – auglýst þegar köll birtast*
Þrjár verkefnastærðir
Smærri verkefni 80% framlag
Minnst 3 landa samstarf. ESB framlag er 80% og hægt að sækja um allt að 200.000€
Miðlungs verkefni 70% framlag
Minnst 5 landa samstarf. ESB framlag er 70% og hægt er að sækja um allt að 1.000.000€
Stór verkefni 60% framlag
Minnst 10 landa samstarf. ESB framlag er 60% og hægt er að sækja um allt að 2.000.000€
Hverjir geta sótt um?
Allir lögaðilar, menningarfyrirtæki og –stofnanir, geta sótt um til Creative Europe en skilyrði er að þátttakendur séu frá aðildarríkjum Evrópusambandsins og / eða Íslandi, Noregi og Liechtenstein.
Ísland er fullgildur aðili áætlunarinnar og hafa íslenskir aðilar því jafnan rétt og aðrir innan Evrópusambandsins til að sækja um styrki.
Hvernig eru verkefnisumsóknir metnar:
- Notagildi, verkefnið leysir áskoranir sem Framkvæmdastjórninni þykir skipta máli
- Gæði og innihald. Verkþættir og viðburðir styðja úrlausn verkefnis.
- Samstarf verkefnastjóra og þátttakenda. Samstarf er skýrt, vel uppbyggt og úthugsað.
- Kynning og dreifing á verkefni.
Gildistími verkefna í öllum flokkum er allt að 48 mánuðir.
Umsóknarfrestur er 23. febrúar 2023 kl 17:00 Brussel tími.
Rannís er umsýsluaðili Creative Europe á Íslandi og hefur umsjón með kynningu á áætluninni og veitir umsækjendum upplýsingar og aðstoð.
