GLEN netverk - þátttökustyrkur
Þátttaka í GLEN netverkinu - þátttökustyrkur
GLEN (Great Little European Network) er nýtt netverk sem tengir smæstu þjóðir Evrópu í sameiginlegu tengslaneti og þjálfunarprógrammi. Tilgangur netverksins er að leggja sitt af mörkum til að þróa betri starfshætti og bæta sjálfbærni sviðslista í viðkomandi löndum, tengja þau saman og auka sess þeirra á alþjóðavettvangi. Netverkið miðar að því að vera innspýting fyrir þá sem hafa metnað til að þróa hæfni sína á alþjóðavettvangi.
GLEN var stofnað árið 2023 að frumkvæði 8 stofnana sem vinna að því að styðja uppbyggingu og alþjóðavæðingu sviðslista í sínu heimalandi:
- Sviðslistamiðstöð Íslands www.performingarts.is
- Kanuti Gildi SAAL in Estonia https://saal.ee/
- New theatre institute of Latvia / Homo novus festival in Latvia www.theatre.lv / www.homonovus.lv
- Sirenos Festival Lithuania/ Lithuanian Theatre Information Centre https://www.sirenos.lt/en/ / www.lithuaniantheatre.com
- Kultur | lx - Arts Council Luxembourg https://www.kulturlx.lu/en/
- Gledalisce Glej in Slovenia www.glej.si/en
- Teatri ODA in Kosovo https://www.teatrioda.com/en/home
- Spazju Kreattiv in Malta https://www.kreattivita.org/
Á fyrsta starfsári sínu, frá september 2023 til júní 2024, mun GLEN stofna til þriggja verkefna:
- Tengslanetsviðburðir í Riga í Lettlandi 1. - 4. nóvember 2023 og í Tartu í Eistlandi í maí 2024
- Jafningjaráðgjöf (Critical friendship): þátttakandi er paraður saman við þátttakandi frá samstarfslandi með það að markmiði að efla gagnkvæman stuðning og skilning á aðstæðum hvers annars
- Röð vefnámskeiða: sem fjalla um áskoranir smærri landi sem snúa að framleiðslu og kynningu sviðslista og ráðgjöf um hvernig megi þróa verkefni á alþjóðlegum vettvangi.
Fyrir hvern
Sjálfstætt starfandi sviðslistafólk á Íslandi
Umsóknargögn
Umsækjandi leggur til eftirtaldar upplýsingar og gögn. Umsókn skal skilað á ensku á rafrænu umsóknarformi. Hlekkur neðst á síðunni.
- Nafn og íslensk kennitala
- Listræn ferilskrá
- Bréf þar sem umsækjandi lýsir áhuga sínum á því að verða hluti af netverkinu og hvernig jafningjaráðgjöf (critical friendship) gæti hjálpað viðkomandi við listsköpun sína.
- Stutt lýsing á núverandi verkefnum umsækjanda.
Mat á umsóknum
Fulltrúar samstarfsaðila GLEN fara yfir umsóknir og velja þátttakanda frá Íslandi. Ákvörðunin er endanleg.
Umsóknum skal skilað fyrir 16. júní 2023 á miðnætti að íslenskum tíma.
Skilyrði
- Að vera á byrjunar- eða miðstigi ferils síns og vera að stíga fyrstu skrefin á alþjóðavettvangi
- Áhugi á að taka þátt í tengslanetinu
- Áhugi á að vinna með jafningjum frá löndum GLEN
Styrkupphæð
Valinn þátttakandi mun fá eingreiðslu upp á 500 € til að standa straum af útgjöldum innan ramma hinnar “mikilvægu vináttu” (critical friendship)
Ferða-, gisti- og dagpeningakostnaður vegna tengslanetsviðburða verður greiddur af netverki GLEN.
Skyldur þátttakanda
- Þátttaka í tengslaviðburðunum tveimur
- Að viðhalda samtali við þann listamenn sem verður paraður við þátttakanda
- Að sækja vefnámskeið GLEN eins mikið og mögulegt er
- Skila skýrslu við lok verkefnisins
- Láta nöfn og lógó GLEN-fjármögnunaraðila fylgja með á öllu verkefnatengdu samskiptaefni
Verkefnisstjórn er í höndum Kanuti Gildi SAAL. GLEN hlaut netverksstyrk frá Nordisk Kulturkontakt til að koma netverkinu á fót.
SMELLIÐ HÉR FYRIR UMSÓKNARFORMIÐ
