Opið fyrir umsóknir um þýðingastyrki – Október 2025

Sviðslistamiðstöð Íslands kynnir með ánægju að opnað hefur verið fyrir umsóknir um þýðingastyrki. Umsóknarfrestur er til 31. mars 2025, kl. 16:00.

Breytt skilyrði – Vilyrði um sýningu ekki lengur krafa

Við viljum vekja sérstaka athygli á því að skilyrði styrkveitinga hafa verið rýmkuð. Nú er ekki lengur krafa um að fyrir liggi vilyrði fyrir sýningu verksins erlendis. Þess í stað er lögð áhersla á að umsækjendur leggi fram greinargerð um fyrirhugaða kynningu og dreifingu þýðingarinnar.

Markmið þýðingastyrkja

Markmið þýðingastyrkjanna er að vekja áhuga, auka sýnileika og eftirspurn eftir íslenskum leikritum og sviðslistaverkum á alþjóðavettvangi.

Hverjir geta sótt um?

Styrkirnir eru ætlaðir höfundum, leikstjórum, framleiðendum eða fulltrúum leikhúsa og hátíða sem hyggjast þýða frumsamin íslensk leikverk á önnur tungumál. Leikverkið þarf að hafa verið frumsýnt á Íslandi áður en sótt er um þýðingu.

Hvað er styrkt?

• Þýðingar á frumsömdum íslenskum leikverkum yfir á önnur tungumál.

• Textun (subtitle) á íslenskum sviðsverkum fyrir sýningar utan Íslands.

Athugið:

• Sviðslistamiðstöð fullfjármagnar ekki þýðingar.

• Þýðingin skal unnin beint úr íslensku.

• Æskilegt er að þýðandi hafi það tungumál sem þýtt er á að móðurmáli.

• Stuðningur við aðlögunar- eða framleiðslukostnað fellur ekki undir þennan styrk.

Hvernig skal sækja um?

Umsóknir skulu berast rafrænt í gegnum umsóknarformið sem finna má á heimasíðu Sviðslistamiðstöðvar. Umsóknarfrestur rennur út 31. október 2025, kl. 16:00.

Nánari upplýsingar um skilyrði og umsóknarferlið má finna á heimasíðu okkar.

Við hvetjum alla áhugasama til að nýta þetta tækifæri til að kynna íslensk sviðslistaverk fyrir alþjóðlegum áhorfendum.