Viltu stýra Bransadegi Sviðslistanna?

Sviðslistamiðstöð Íslands leitar að drífandi og skipulögðum verkefnastjóra til að hafa umsjón með skipulagi og framkvæmd Bransadags Sviðslistanna, sem haldinn verður 21. maí nk. í aðdraganda Grímuverðlaunanna.

Um verkefnið: Hér er um að ræða afmarkað verktakaverkefni. Undirbúningur hefst í mars og lýkur með framkvæmd viðburðarins og eftirfylgni í maí. Áætlað vinnuframlag er u.þ.b. 60 vinnustundir á tímabilinu.

Hlutverk verkefnastjóra:

• Mótun og utanumhald dagskrár í samstarfi við framkvæmdastjóra og Sviðslistasamband Íslands.
• Samskipti við fyrirlesara, moderatora og hagsmunaaðila.
• Umsjón með praktísku skipulagi á staðnum (húsnæði, tækni, veitingar).
• Samskipti við skráða gesti og miðlun upplýsinga.

Við leitum að aðila sem:

• Hefur góða þekkingu á íslensku sviðslistalífi.
• Er skipulagður, sjálfstæður og lausnamiðaður.
• Býr yfir reynslu af viðburðastjórnun eða sambærilegum verkefnum.

Starfskjör: Þóknun er samkvæmt samkomulagi og miðast við áætlað vinnuframlag.

Umsóknarfrestur: 2. mars nk. Áhugasöm eru beðin um að senda stutta kynningu og ferilskrá á svidslistamidstod@svidslistamidstod.is